ગમે છે મને..

કારણ કે કવિતા લખવાની શરૂઆત અહીંથી થઇ હતી.. Dedicated to my love..

તરસ જોઈ પૃથ્વીની, તરત જ દોડી આવતાં,
આ મુશળધાર વરસાદની, છનછન ગમે છે મને..

સુગંધથી પ્રભાવિત થઇ, પકડ્યું મેં લાકડું,
અને નીકળ્યું એ ચંદન, આ ચંદન ગમે છે મને..

કઈ રીતે કહું તમને? નહોતું ગમતું જોવું પણ,
ખુશીથી પહેરું છું આજે, એ કંગન ગમે છે મને..

દોસ્તો વચ્ચે ઊભા રહીને, વાહ! શી બેફિકરાઈથી,
ઉડાડો છો જે અદાથી, એ ઢક્કન ગમે છે મને..

તમને શી રીતે પડે ખબર કે તમારા હુંફાળા સ્પર્શ પછી,
મારા હૃદયમાંથી છલકાતાં ઊર્મિઓનાં સ્પંદન ગમે છે મને..

અને વારંવાર માણવા આ સ્પંદન, નાની અમથી વાતમાં
મારા વડે જ કરાયેલાં, રુદન ગમે છે મને..

વ્યર્થ સમજીને હું રહી દૂર, પણ આજે ભગવાને બાંધેલું
અને કોઈથી પણ નાં તૂટે તેવું, આ બંધન ગમે છે મને..

શાયરીનાં મોતી વીણી લીધાં, હૃદયરૂપી સમુદ્રને વલોવીને,
કહ્યા વગર રહેવાતું નથી કે, મંથન ગમે છે મને..

મંથન ગમે છે મને..

આ રચનાને શેર કરો..

•