મૈત્રીની મીઠાશ

હે સખી ! મારી સહેલી ખાસ
છે તુજ વિના જીવન ઉદાસ,
મુજથી રહે તું દૂર ભલે
છતાંય સદા છો દિલની પાસ..

આફત પડી જીવન મહી
ના આવ્યું જયારે કોઈ પાસ,
તું અડીખમ ઉભી રહી
જાણે ધરતીની સાથે આકાશ ..

કાપી સાથે લાંબી મજલ
ના તૂટ્યો કદી આપણો વિશ્વાસ,
આ પ્રેમ નથી તો શું બીજું ?
તુજમાં વસે છે મારા શ્વાસ..

સંભારણા સમરું સદા
ઝગડા ,મસ્તી ને સહવાસ ,
હસતી આંખે વરસે ઝરણ
યાદો તારી છે એવી ખાસ..

અંધારું મને નડતું નથી
દોસ્તીમાં તારી છે ઉજાસ,
જીવન કરે સુગંધી -મીઠું
તારી મૈત્રીની સુવાસ,
આ તારી મૈત્રીની મીઠાશ ..

આ રચનાને શેર કરો..

This entry was posted in કાવ્ય. Bookmark the permalink.