વ્હાલી માં

મારી નવી રચના મારી વ્હાલી માં માટે ..I Love U Maa…

માં , ઓ માં ! મારી વ્હાલી માં ,
તારો ખુબ ખુબ આભાર.

તું મને આ જગમાં લાવી ,
સુંદર ઉછેર કરી મારી દુનિયા સજાવી ,
સંસ્કારી બનાવી ,સીંચી સુંદર સંસ્કાર ,
વ્હાલી માં ! તારો ખુબ ખુબ આભાર ..

નવ-નવ મહિના તારા દેહમાં સમાવી ,
અસહ્ય પીડા વેઠી આ દુનિયામાં લાવી ,
તોયે હતો હૈયે હેત અપાર ,
વ્હાલી માં ! તારો ખુબ ખુબ આભાર ..

કેટલાયે દુઃખો વેઠી સુખ અમને આપ્યા ,
કટુ પોતે ખાઈ મધુ અમને ખવડાવ્યા ,
કદી ના કર્યો તે દુઃખનો ઉહ્કાર ..
વ્હાલી માં ! તારો ખુબ ખુબ આભાર ..

ફરી જો હું આ ધરતી પર આવું,
તારી જ કુખે હું અવતાર પામું ,
ફરી પામે ‘શબનમ’ તારો પ્રેમ અનરાધાર ,
વ્હાલી માં ! તારો ખુબ ખુબ આભાર ..

આ રચનાને શેર કરો..

This entry was posted in કાવ્ય. Bookmark the permalink.